Инширах

أَلَمْ نَشْرَحْ لَكَ صَدْرَكَ

Біз сенің көкірегіңді ашып, кеңітпедік пе?

وَوَضَعْنَا عَنكَ وِزْرَكَ

Мойныңдағы ауыр жүкті жеңілдетпедік пе?

ٱلَّذِيٓ أَنقَضَ ظَهْرَكَ

Беліңді қайыстырған (ауыр жүкті жеңілдетпедік пе)?

وَرَفَعْنَا لَكَ ذِكْرَكَ

Сондай­-ақ есіміңді мақтаулы етіп, мәртебеңді көтермедік пе?

فَإِنَّ مَعَ ٱلْعُسْرِ يُسْرًا

Демек, әрбір қиындықпен бірге, сөзсіз, жеңілдік бар.

إِنَّ مَعَ ٱلْعُسْرِ يُسْرࣰا

Иә, рас, әрбір қиындықпен бірге жеңілдік бар.

فَإِذَا فَرَغْتَ فَٱنصَبْ

Ендеше, бір істі бітірген соң, бірден басқа іске кіріс.

وَإِلَىٰ رَبِّكَ فَٱرْغَب

Сондай-ақ (қандай іспен айналыссаң да) әрдайым Раббыңа, Оның разылығына қарай ұмтыл!